| | |
 |
|
| |||||||
| الفن والأخبار الفنية منتدى اخبار الفن و الفنانين كل ما هو جديد عن الفن والفنانين |
| | |
 |
 |
| | LinkBack | أدوات الموضوع | انواع عرض الموضوع |
07-21-2008, 06:45 PM
| #1 | |
 
 |  والدة نانسي عجرم: مازال الوقت مبكراً لأفرح بزفافها ... وأنا وزوجي سبب حفاظها على براء ريموندا والدة نانسي عجرم  في محاولة منا للاقتراب من والدة الفنانة نانسي عجرم التي كانت تتابع بسعادة بالغة الترحيب الإعلامي بابنتها البكر، لاحظنا أنها كانت تتابع من بعيد صغيرتها التي كبرت، ولديها أجندة حفلات تحييها ابنتها في كل مناسبات الناس المفرحة. انها الأم الشغوفة التي لا تتوقف عن متابعة ابنتها، نانسي التي كانت قبل عشرين عاما طفلة شديدة الهدوء في البيت، وباتت نجمة كبيرة لديها آلاف المعجبين والمعجبات. وكانت نانسي ونحن في الكواليس من بعيد تبتسم لست الحبايب وهي وسط حشد إعلامي يجري اللقاءات التلفزيونية معها، «الراي» اقتربت من أم نبيل ونانسي ونادين لتسألها بعض الأسئلة الشخصية عن نانسي، فلربما بعد سنوات من نجومية ابنتها لا تعرف ما الامور المستجدة في حياة فنانتنا من ذوق جديد ونفسية ربما غيرتها سنوات النجومية وقد ضحكنا كثيرا على ما تتذكره عن ابنتها وفي ما بعد عرضنا اجابات السيدة رموندا على نانسي التي بصمت بالعشرة على صدقيتها وعلقت: إن كل اجابات الماما صحيحة فلنتابعها معاً. • ولدت ابنتك بتاريخ 16/5/1983.. هل تعرفين ما برجها؟ - طبعا بعرف... برج نانسي الثور • وما مميزات هذا البرج؟ - من مميزات برج الثور الذكاء الفطري والروح الطيبة وكذلك المرح • كم وزن ابنتك؟ - ضحكت: يا حرام 50 كيلو... ما بتزيد. • هل تحرمينها من الطعام؟ - ابتسمت: يه... ليش... هي جسمها بيحرق الأكل، وكمان نانسي بتلعب رياضة يوميا. • لكنها دائماً في حالة سفر فكيف تمارس الرياضة؟ _ عندما تسافر تقيم في الفنادق، فتأخد بعضها وتقصد النادي التابع للفندق. • انت لا تبدين سمينة فهل ورثت نانسي جيناتك في انها ما راح تسمن؟ - ايه... يمكن... كمان الاكل اللبناني ما بيتخن لانو بيعتمد على البقول والخضار كثير... أكلات صحية بطبيعتها. • ما أكلتها المفضلة؟ - بتحب كتيييير لوبيا ورز. • هل تجيد طبخها؟ - لا... هي تعرف تأكل وبس... «ضحكت» ممكن تعمله بس مش باحترافيه متلي انا، من وين عندها الوقت... بس بتعرف تعمول تبولة منيح. • في طفولتها ماذا كانت تتابع من أفلام الكارتون؟ - بتحب كتير توم وجيري... ولحد الآن بتابعهن ويعلو صوتها بالضحك على مقالبهن وشيطنتهن. • هل لانها اكبر من اختها نادين واخيها نبيل تتسلط عليهن في البيت؟ - لا ابدا... بيها «ابيها» موجود على سلامته، وما حدا الو خص باخوتها، بس بيعيشوا حياة طبيعية، تنسى تماما انها اكبر منهن لانو أصلا ما في فرق كبير بينهن بالعمر، نادين اصغر منها بسنة وحدة بس ونبيل اصغر منها بسنتين، كلهن ربيوا مع بعض، ومتل كل الاولاد بالدني «الدنيا» مرة بيتخانقوا وبيتشيطنوا ومرة بيهدوا ويلعبوا مع بعضهن. • هل كان في تفرقة بين البنت والصبي في البيت عندكم؟ - ابدا... بيها وانا بنتعامل معهن على اساس انهن كلهن سوا مافي فرق ابدا، ونانسي من زغرها ماخذه عقل بيها، وهن صحاب كتير، وبتقول له اسرارها وبتستشيره اكثر مني. • وهل هذا يزعجك؟ - ابدا... بحس بالامان، لانهم اصحاب وبيها محوطها وبيعطيها من خبرته بالدني. • لما كانت نانسي صغيرة كان شعرها أصفر وعيونها زرقة... ظلت عيونها بنفس اللون بس شعرها صار اغمق... هل تصبغه الآن؟ - لا... هيدا طبيعي وهي بتحب لونه الكستنائي... احيانا بتحب تعمل «هاي لايت» افتح شوي لبعض خصلات شعرها بس مش ع طول تخليه هيك، هي صبية عايشة عالموضة، اللي بيعجبها لشعرها بتعملو. • ما سر براءة نانسي؟ - ان في البيت عندنا أوانين «قوانين» صارمة، مالنا دخل بحدا، وكمان أنا وبيها ما نساعد الأولاد يعيشوا عمرهن... من هيك روحها طفولية كتير. • هل هي انسانة متفائلة وفي حالة فرح من قلبها؟ - معلوم... هي هيك، هيدي طبيعتها... ما بشوف فرق في تعاملها معنا بالبيت وتعاملها مع اخوتها بالبيت، الله يحفظها... لحد هلق وبعد كم سنة مش مصدقة حالها انها نجمة كبيرة، وانا وبيها وستها «جدتها» بنخاف عليها، وما بدنا تلطش راسها النجومية الفاقعة، من هيك حتظل ننوسة رجليها ع الارض. • لما كانت صغيرة وحدا ياخذ حقها من اخواتها هل كانت تستكين وتبكي وتلجأ لك او لوالدها؟ - ابدا... ما بتظلم حدا وما بتحب حدا يظلمها، فتأخذ حقها اولا بأول... بنتي قوية. • هل مازالت تحافظ على علاقات الصداقة التي كانت قبل شهرتها؟ - معلوم... وبس يكون الموسم ما في سفرات للحفلات تتصل فيهن وبيجوا عالبيت وبيروحوا عالسينما... وبيكزدرو «تتفسح» معهن • ايمته بدك تفرحي فيها كأول بنت لك؟ - مش مستعجلين، تعرفي النجومية والسفرات الكثيرة مش بتخلي أي حدا بعمرها يعيش علاقة طبيعية، ما في عندها وقت، عندها احساس ان النجومية ما بتستمر وبدها جهد مش طبيعي، وبتحب كتييييير جمهورها وتحرص انه يكون راضيا عنها، لذا هي تجتهد كتيييير حتى تجدد من حالها، منشان هي حابه المغنى ومنشان جمهورها ايه لكان، هي عايشة عمرها كمان هي بعدها زغيرة بكييير كتييير على الزواج، لسه بعز شغلها، وكل راسها بالفن. • أثناء تسجيلها لالبوماتها هل تكون عصبية وتفش خلقها فيكم؟ - ايه... بتكون متوترة كتيييير... بس ما بتفش خلقها في حدا، ونحنا بنراعيها ما بنشركها في اي قرار عائلي، يكفي اللي هي فيه... بالعكس نؤمِّن الها اجواء هادئة جدا في البيت. • كل هذه النجومية ولسه بتتوتر؟ - ايه... اللي بيخاف على المكانة اللي وصلتها، وكسبت ثقة العالم العربي كلو لازم تخاف، انا بشوف ان القلق والتوتر والخوف حقوق مشروعة وطبيعية لأي فنان حقيقي. • كيف رأي ستها «جدتها والدة أبيها» اللي تعلمت منها تسمع الطرب الأصيل من البيت شو رأيها بنانسي؟ - يا حراااام كبرت وما عادت تغني بالبيت، بس فايقة على نانسي وبتفرح الها كتييير، ولسه نانسي بس تشوفها ترمي حالها بحضنها وبتغني لها كمان من اغاني زمان. • هل كانت ستها تتوقع كل هذه النجومية لنانسي؟ - ما حدا فينا كان متوقع.. نانسي نفسها كانت تحلم بهيك شي، احساسها بيقول لها حتى هي مش عارفته... بس لا ستها ولا انا ولا بيها كنا متوقعين كل هالنجومية الساحقة. • كأم.. كيف تشوفي تعب بنتك في السفرات الكثيرة؟ - بقلق عليها كأم.. وع طول عالتلفون معاها هيدا اذا الظروف ما خلتني سافر معها... أكلها مش منظم خصوصا السفرات الطويلة، بعمل لها ورق العنب، سهل تحملو عالطيارة، وكمان لخبطة نومها بتقلقني لانو بالايام اللي بتكون ببيروت بيكون نومها منظم، بس اثناء تسجيل الالبوم بتفزع من نومها، وبتفيق نص الليل... بتفكر لو اضافت شي للجملة اللحنية او تغير كلمة او هيك شي.. بس تسجل الالبوم بيبان الرضا على وشها، تهدأ شوي وتنتظم حياتها وبعد ايام تبدأ بالقلق على الاعلانات والدعاية للالبوم، وبحب فيها انها قد ما تكسب مصاري تصرف على شغلها كتيير... وبعدين تهدا شوي، وقبل صدور الالبوم بأيام تصير نااااار مولعة... واحنا نعيش معاها الحالة وبعد صدور الالبوم باسبوعين وعرض الفيدو كليب تهدأ حتى تطمئن ع نجاحو.. وهكذا حياة نانسي ع طول. • تنبسطي الان وانت تتابعين الاحتفاء بيها من الجميع بالكويت؟ - ايه طبعا... نانسي كتير عندها احاسيس بالالفة تجاه من يحبها وبتحس بصدق مشاعرهن وبتسعد في الترحاب فيها، تنبسط كتيييير وسط الناس وانا بتابعها هلق من بعيد بحس انها تتصرف وكأنها بالبيت بين عيلتها. ++نانسي في طفولتها  +++البطاقة الثبوتية لنانسي عجرم .jpg) ++++نانسي عجرم بتصرف كثير عالتصوير وهيدا بحبه فيها .jpg) ++++نانسي وشقيقتها نادين وشقيقهما نبيل .jpg) ++++نانسي مع بنات «الراي» خلود ودلال  +++ نادين عجرم شقيقة نانسى  منـــــقول | |
 |
|
07-21-2008, 09:19 PM
| #2 | |
|  بنت الصحراء تسلم يدك ع الموضوع الله يعطيج العافية تقبلى مرورى | |
|
|
07-22-2008, 07:08 AM
| #5 | |
| اللهہْ يعطيگ العافيــهہْ تہہہلٌـمْـ ايدگ علىْ ألتـمْيـزٍ ألــــــفْ ہْہْہْگـــرٍ مٌــوْدٌتًــيْ؛؛ | |
|
|
07-22-2008, 08:29 AM
| #6 | |
| بنت الصحراء يعطيج العافيه على النقل تقبلي مروري وفي الختام لج مني أحلى سلام | |
|
|
07-22-2008, 10:44 AM
| #7 | |
| تجنن وهي صغيره يعطيك الف الف عافيه وتسلمين   | |
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| نانسي عجرم نيو لوك 2009 | إيـــــرام | صور وغرائب | 235 | 08-02-2009 08:37 AM |
| نانسي عجرم تتحجب؟؟؟ | إيـــــرام | الفن والأخبار الفنية | 15 | 06-29-2009 03:39 PM |
| صور نانسي عجرم و هي حامل | hanine | معرض صور | 28 | 06-10-2009 12:45 PM |
| ]]صور نانسي عجرم حــــــــــاملٍٍ [[[ | إيـــــرام | الفن والأخبار الفنية | 2 | 03-04-2009 12:23 PM |
| صور لشبيه نانسى عجرم | همس الشفايف | صور وغرائب | 8 | 10-13-2008 02:35 AM |
|
|
| |
| كل المشاركات المطروحة تعبر عن رأي صاحبها لاعلاقه لإدارة نحبكم بها لأنها وجهه نظر شخصيه تقتصر على صاحبها |
|
شات صوتي نحبكم |
| |
![الصورة الرمزية I[•أَِريـَِــاَِم•]I](http://www.n7bkm.com/vb/customavatars/avatar2137_16.gif){kind=avatar}
العرض العادي
